Perëndia mund të të përdorë
20. nëntor e mërkurë
“Dhe e falënderoj Krishtin Zotin tonë, që më bën të forte … duke më vënë në shërbimin e tij” 1 Timoteut 1:12
Një nga misionaret më të mëdha në historinë e kishës ishte Mary Slessor edhe pse ajo nisi si kandidatja më pak e kualifikuar. Për shkak të problemit të babait të saj me pijen, Mary njëmbëdhjetë vjeçare punonte turne dymbëdhjetë orëshe në mulli, duke ndihmuar familjen e saj për të paguar faturat. Ajo zbuloi se mund t’i mbështeste libra në tezgjahun e saj ndërsa punonte. Ndërsa ajo lexonte për tokën e Kalabarit (Nigeria moderne), Mary u bind se ajo duhej të shkonte aty si misionare.
Në vitin 1876, ajo lundroi drejt Afrikës perëndimore mbi “S.S. Ethiopia”, që në mënyrë ironike, ishte e ngarkuar me qindra fuçi me uiski. Duke kujtuar se si alkoli kishte dëmtuar familjen e saj, ajo tha: “Shumë fuçi me uiski dhe vetëm një misionare”. Por çfarë misionareje! Mary ishte një kombinim i një predikueseje qarku, dado, infermiere, mësuese fshati dhe negociatore e cila e vetme i ktheu tre rajone pagane duke predikuar ungjillin. Ajo ndaloi luftra midis fiseve dhe shpëtoi me qindra gra dhe fëmijë. Për dyzet vite ajo u mundua ashtu siç e lejoi Perëndia. Perëndia do t’i përdorë njerëzit të cilët bota nuk i vë re ose i hedh tutje. Mary Slessor ishte një prej tyre.
Ashtu ishte dhe Pali: “Duke më vënë në shërbimin e tij, që më parë isha blasfemues, përndjekës dhe i dhunshëm; por m’u dha mëshira, sepse i bëra nga padija, në mosbesimin tim; kështu hiri i Zotit tonë teproi pa masë me besimin dhe dashurinë, që është në Jezu Krishtin” (vargjet 12-14). Perëndia i cili përdori apostullin dhe Mary Slessor mund të të përdorë dhe ty – nëse ti ia dorëzon jetën Atij.
Mirënjohje
Jeremiah, Pikat e Kthimit, 114.
