Beso në veten tënde; sepse Perëndia beson!
29. tetor e enjte
“Ti m'u përgjigje dhe e rrite fuqinë e shpirtit tim” Psalmi 138:3
Një djalë i vogël u dëgjua duke folur me vete ndërsa dilte me krenari nga shtëpia dhe shkelte në oborrin e pasëm duke mbajtur një shkop dhe një top bejsbolli. Ai ngriti kapelën e tij të bejsbollit në një përshëndetje për qenin e tij të etur. Pastaj mori shkopin dhe topin dhe shpalli me zë të lartë:
“Unë jam goditësi më i madh në botë.” Ai më pas hodhi topin në ajër, sulmoi me shkop dhe e gaboi.
“Goditja një!” – u shpreh, sikur po luante edhe rolin e arbitrit. Ai mori topin, e hodhi përsëri në ajër dhe tha sërish: “Unë jam goditësi më i madh i bejsbollit që ka ekzistuar ndonjëherë!” Dhe përsëri goditi topin dhe e gaboi. “Goditja dy!” – shpalli për qenin që po e shikonte. Pa u frikësuar, ai mori përsëri topin, kontrolloi shkopin dhe pak para se ta hidhte topin në ajër, shpalli edhe një herë:
“Unë jam goditësi më i madh që ka jetuar ndonjëherë.” Ai goditi fort me shkopin, por gaboi për herë të tretë. “Goditja tre!” – bërtiti. Dhe pastaj shtoi: “Uau, çfarë hedhësi! Unë jam hedhësi më i madh në botë!”
Sot, këtë do ta quanim Qëndrim Mendor Pozitiv (Q.M.P.). Dhe kur e di se Perëndia të ka shpenguar, të ka pajisur dhe të ka thirrur për t’i shërbyer Atij, ky duhet të jetë qëndrimi yt gjithashtu. Sepse Perëndia të do, të pranon dhe beson tek ti, ndaj edhe ti duhet të besosh tek vetja jote.
David tha: “Ditën në të cilën të kërkova, ti m'u përgjigje dhe e rrite fuqinë e shpirtit tim”. Prandaj fjala për ty sot është: Beso në veten tënde, Perëndia beson tek ti.
