Jepi zë Shkrimeve
10. shtator e enjte
“Vdekja dhe jeta janë nën pushtetin e gjuhës” Fjalët e Urta 18:21
Diçka e fuqishme ndodh kur e artikulojmë Fjalën e Perëndisë. “Vdekja dhe jeta janë nën pushtetin e gjuhës; ata që e duan do të hanë frytet e saj” (Fjalët e Urta 18:21). Ndonjëherë duhet ta thuash ashtu siç beson! Jezusi fjalë për fjalë foli me erën dhe dallgët apo jo? Ai qortoi stuhinë. Ai qortoi demonë. Ai qortoi ethe. Madje na tha t’u themi maleve të lëvizin! (Shih Marku 11:23.) Kur e verbalizon besimin, i jep fuqi atij. Ka disa gjëra që nuk duhet t’i thuash. Kur Jeremia përdori moshën e tij si justifikim për të thënë ‘jo’ ndaj thirrjes së Perëndisë, Zoti e qortoi: “Mos thuaj: ‘Jam një djalosh’” (Jeremia 1:7). Me fjalë të tjera, mos u përjashto nëse Perëndia të ka thirrur! Në vend të kësaj, flisni fjalë që japin jetë, të mbushura me besim dhe me hir.
Mark Batterson thotë: “Ka disa gjëra që refuzoj t’i them, sepse u jap fuqi atyre. E quaj listën time ‘Mos thuaj’. Cilat fjalë duhet të jenë në listën tënde ‘Mos thuaj’? Nuk po flas vetëm për fjalët fyese. Jezusi tha se do të japim llogari për çdo fjalë të kotë. Fjala ‘e kotë’ do të thotë ‘e papunë’. Një fjalë e kotë është një fjalë e pavlerë, e padobishme—një fjalë që nuk arrin asgjë.” Jezusi gjithashtu tha në Mateu 12:34: “Sepse nga bollëku i zemrës flet goja,” pra fjalët tona janë një lloj rreze-x i asaj që është brenda nesh. Këtu fitohet ose humbet beteja. Nëse duam që fjalët tona të pasqyrojnë Fjalën e Tij, pikërisht këtu duhet ta vendosim spirancën tonë. Dhe kur e bëjmë këtë, mendja e Krishtit bëhet gjithashtu mënyra jonë e të menduarit.
