Rindiz dashurinë tënde për Jezusin
25. Nëntor E Premte

“Por kam diçka kundër teje, sepse dashurinë tënde të parën e le” Zbulesa 2:4 NIV

  1. Kujto. “Kujtohu, pra, se nga ke rënë” (vargu 5, AMPC). Në vend që të përqëndrohesh në thellësinë në të cilën ke rënë, mendo për lartësitë që ke qënë më përpara. Jo tek kohërat më të këqija, por tek më të mirat. Kujto kur ke kaluar kohë në lutje dhe Shkrimi ishte pika më e lartë e ditës tënde. Çfarë po bëje atëherë që nuk po e bën tani?
  2. Pendohu. Kjo fjalë do të thotë të ndryshosh mendjen, drejtimin tënd dhe veprat e tua. Nuk mund ta zgjidhësh një problem me të njëjtat mendime dhe sjellje që e shkaktuan atë; të duhen mendime dhe vepra të reja. Kur djali plangprishës u ul në stallën e derrave, ai e kuptoi se kishte arritur fundin. Atëherë ai tha: “Do të çohem dhe do të shkoj tek im atë dhe do t’i them: ‘Atë, mëkatova kundër qiellit dhe para teje’” (Luka 15:18 NKJV). Dhe babai i tij e fali dhe e restauroi atë. Si përfundon historia? Ai i ndërroi rreckat e tij me mantelin e birërisë dhe mori vendin që i takonte në tryezën familjare. Dhe kjo mund të të ndodhë edhe ty.
  3. Ripërsërit. “Bëj veprat e para” (Zbulesa 2:5 NIV). Bëj një listë të gjërave që ke bërë kur marrëdhënia jote me Perëndinë ishte e mirë, më pas përkushtoju lutjes për t’i bërë ato gjëra sërish çdo ditë. Dhe mos prit deri sa ta ndjesh për ta bërë. Bëje derisa ta ndjesh, derisa lumturia e dashurisë tënde të parë të rindizet. A dyshon se Perëndia do të jetë i hirshëm me ty? Lexo këtë: “Por ti je një Perëndi i gatshëm që të  falë, shpirtmadh, plot mëshirë, i ngadalshëm në zemërim dhe plot mirësi. Ti nuk i ke braktisur” (Nehemia 9:17 NLT).