Mos ki frikë të biesh (2)
24. korrik e mërkurë

“Sepse kjo është një nevojë që më është ngarkuar; edhe mjerë unë, po nuk predikova ungjillin!” 1 Korintasve 9:16, NIV

Le të shohim dhe një herë se si ta mposhtim frikën e dështimit. 1) Ndiq qëllimin tënd të dhënë nga Zoti në jetë. Për të patur sukses me të vërtetë tek diçka, duhet të kesh pasion për të. Dhe Perëndia jo vetëm që do të ta zbulojë qëllimin e Tij, por Ai do të të japë pasionin për ta ndjekur atë. Pali kishte dhuntinë, edukimin dhe lidhjet për të ndjekur një mori karrierash të ndryshme. Por ai shkroi: “Sepse kjo është një nevojë që më është ngarkuar; edhe mjerë unë, po nuk predikova ungjillin!”. Për çfarë ndjehesh i apasionuar? Studioje; është një e dhënë për fatin tënd.

2) Bëji vetes këto tre pyetje: a) “Cila është më e keqja që mund të ndodhë në qoftë se unë nuk ia dal?”. Akoma do ta kesh Perëndinë, talentet e tua, familjen tënde dhe mundësi të tjera. b) “A është bërë kjo ndonjëherë më parë?”. Edhe nëse jo, e çfarë pastaj? c) “A është kjo frikë një sinjal se nuk kamë njerëzit, proceset ose planet e duhura të vëna në vijë për të patur sukses gjatë kësaj kohe?”. Atëherë bëj pyetjen e madhe: “Cilat janë të mirat që do të shijoj nëse do t’ia dal?”. Ki një qëndrim optimist. Shikoje frikën tënde në sy dhe deklaro me guxim: “Unë mund të bëj gjithçka me anë të Krishtit që më forcon” (Filipianëve 4:13, KJV).

Mos e lër njohjen e këtij shkrimi të të bëjë ta recitosh përmendësh. Thuaje me zë të lartë. Vërtetë thithi fjalët; futi në shpirtin tënd. Dije se Krishti të forcon që të kesh sukses për lavdinë e Perëndisë. Dije se kur Ai të drejton, Ai të siguron me çdo gjë që të duhet për të patur sukses në çfarëdo gjëje që Ai të ka thirrur të bësh.